Реал Мадрид - Трет дрес 26/27

Розовата боја во Мадрид никогаш не била само боја. Се појавува ретко, само тогаш кога клубот сака да каже нешто поинаку — и секој пат останува запаметена. По шест години пауза, се враќа на третиот дрес за сезоната 26/27.

Основата е длабоко розова, а преку целиот дрес се провлекува суптилна геометриска шара од испреплетени кругови и ромбови, исцртани со фини точкести линии. Инспирацијата е повлечена од латиноамериканската уметност и рачниот занает. Деталите се во боја на слонова коска — јаката, манжетните и трите ленти на рамената. Adidas логото, спонзорот и грбот се во бело, монохроматски, за да не го прекинуваат дезенот.

Одзади шарата продолжува непрекинато, а под јаката стои „RMCF" во стилизиран ретро фонт.

Ова е дури третиот розов дрес во историјата на клубот. Првиот беше 2014/15 — сезоната на BBC, Бејл, Бензема и Роналдо. Вториот 2020/21. Овој е третиот.

Достапен со печат Мбапе.

Лесен материјал што дише, погоден за игра и секојдневно носење. Регуларен крој — ако сакаш полабаво, земи една големина поголемо.